قومی اسمبلی اجلاس میں یوم شہدائے کشمیر پر متفقہ قرار داد منظور کر لی گئی ہے۔

تفصیلات کے مطابق اسپیکر اسد قیصر کی صدارت ہونے والے قومی اسمبلی اجلاس میں  یوم شہدائے کشمیر پر متفقہ قرار داد وزیر مملکت پارلیمانی امور علی محمد خان نے پیش کی۔

 قرارداد کا متن میں کہا گیا کہ یہ ایوان متفقہ طورپر مقبوضہ کشمیر میں بھارتی ظلم و استبداد روکنے کا مطالبہ کرتا ہے جبکہ مقبوضہ کشمیر کے عوام کو حق خود ارادیت دیا جائے۔

 قومی اسمبلی اجلاس میں کشمیر پر متفقہ قرار داد پر تمام جماعتوں کے دستخط ہیں۔

دوسری جانب یوم شہداء کشمیر پر پاکستان  نے کشمیریوں سے بھرپور یکجہتی  کا اظہار کیا ہے ۔

ترجمان دفتر خارجہ عائشہ فاروقی کا کہنا ہے کہ  کشمیریوں کے 89 ویں یوم شہداے کشمیر پر پاکستانی حکومت اور عوام ایل او سی کے دونوں جانب اور دنیا بھر میں کشمیری شہداء کو خراج عقیدت پیش کرتےہیں۔

یوم شہداء کشمیر پر پاکستان کا کشمیریوں سے بھرپور اظہار یکجہتی

ترجمان دفتر خارجہ نے کہا کہ  یہ 22 کشمیری 1931 میں  ڈوگرہ فوج کے مظالم کے خلاف سچ اور انصاف کا ساتھ دینے کے لیے کھڑے ہوئے تھے۔

عائشہ فاروقی نے  کہا کہ ان کشمیریوں کی غیر معمولی بہادری اور قربانیوں نے کشمیریوں کے حق استصواب رائے کی وہ دلیرانہ جدوجہد شروع کی جو آج بھی جاری ہے۔