پاکستان کی سینئر اداکارہ سیمی راحیل نے ٹک ٹاک کے ناتجرجہ کار اداکاروں کے لیے بیان جاری کر دیا۔

اداکارہ سیمی راحیل نے سماجی رابطے کی ویب سائٹ انسٹاگرام پر اپنی پوسٹ میں لکھا کہ پروڈیوسرز صرف ان اداکاروں کی خدمات حاصل کررہے ہیں جن میں اداکاری کا کوئی تجربہ نہیں ہے۔

See more

اداکارہ نے کہا کہ پاکستان میں پروڈیوسرز باصلاحیت فنکاروں کو نظر انداز کر کے ٹک ٹاک کے ناتجرجہ کار اداکاروں کو فوقیت دے رہے ہیں۔

انہوں نے افسوس کا اظہار کیا اور کہا کہ پروڈیوسرز اداکاروں کو تو معاوضہ ادا کرنے سے کتراتے ہیں لیکن خوبصورت لڑکے اور لڑکیوں کو پروموٹ کرنے میں پیش پیش رہتے ہیں۔

یاد رہے کہ سینئر اداکارہ نے بتایا کہ ٹک ٹاک اور انسٹاگرام سے شہرت پانے والے لڑکے لڑکیاں صرف شہرت کیلئے بیتاب ہیں، اُن میں اداکاری کی کوئی صلاحیتیں موجود نہیں ہیں۔

واضح رہے کہ سینئر اداکارہ سیمی راحیل پاکستان شوبز انڈسٹری میں اپنی جاندار اداکاری کی وجہ سے جانی جاتی ہیں۔