پی ٹی اے کا پب جی گیم پر پابندی برقرار رکھنے کا فیصلہ
پاکستان ٹیلے کام اتھارٹی (پی ٹی اے ) نے آن لائین گیم پب جی پر پابندی پر برقرار رکھنے کا فیصلہ کرلیا۔
پاکستان ٹیلے کام اتھارٹی (پی ٹی اے ) نے والدین اور عوامی شکایات پر پیکا ایکٹ کےتحت تفصیلی فیصلہ جاری کردیا ۔
پی ٹی اے کے فیصلے میں کہا گیا کہ پب جی سے متعلق کئی ریسرچ اور سٹڈیز کا جائزہ لینے کے بعد پی ٹی اے اس نتیجے پر پہنچی ہے کہ پب جی کے تباہ کن اثرات ہیں ۔اس سے نوجوانوں کے ذہنوں پر منفی اثرات مرتب ہو رہے ہیں۔
پی ٹی اے کے فیصلے میں کہا گیا کہ پب جی ذہنی و جسمانی صحت کے لیے مضر ہے ۔
پی ٹی اے حکام نے وضاحت دی کہ ہائی کورٹ نے پب جی پر پابندی ختم کرنے کا نہیں بلکہ پی ٹی اے کو یکم جولائی کی پابندی کے حکم نامے کی تفصیلات جاری کرنے کاحکم دیا تھا۔
حکام کا کہنا ہے کہ پنجاب پولیس نے پب جی گیم کھیلنے والے کم عمر بچوں کی خودکشی کی رپورٹ دی۔ والدین اور شہریوں کی جانب سے 109 شکایات اور گیم بند کرنے کی درخواستیں موصول ہوئیں ۔
پی ٹی اے حکام کا مزید کہنا ہے کہ پب جی انتظامیہ سے پوچھا 16سال سے عمر بچوں کو گیم سے دور رکھنے کےکیا اقدامات کیے ۔تباہ کن اور مجرمانہ مواد روکنے کےلیے کیا اقدامات اٹھائے ۔پب جی گیم انتظامیہ نے پی ٹی اے کے سوالات کا تاحال کوئی جواب نہیں دیا۔
لہذا پاکستان ٹیلی کام اتھارٹی نے آن لائین گیم پب جی پر پابندی برقرار رکھنے کا فیصلہ کیا ہے۔
واضح رہے کہ اسلام آباد ہائیکورٹ نے گیم پر عارضی پابندی کا نوٹیفکیشن کالعدم قرار دیا تھا۔ہائیکورٹ نے پی ٹی اے کو تفصیلی وجوہات کے ساتھ نیا حکمنامہ جاری کرنے کی ہدایت کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News