حکومت نے ملک میں پولیو کی روک تھام  کے لیے اہم فیصلہ کرلیا ۔

تفصیلات کے مطابق پولیو کی روک تھام کے لیے  حفاظتی ٹیکوں کے پروگرام میں انجیکٹ ایبل پولیو ویکسین کی دوسری خوراک شامل کی جائے گی جو 9ماہ کی عمر میں لگے گی۔

2025  تک انجیکٹ ایبل پولیو وکسین دینے پر آمادگی ظاہر کردی گئی ہے۔  ویکسین الائنس گاوی 2025 تک اس مقصد  کے لیے ویکسین مفت فراہم کرے گا۔

 انجیکٹ ایبل پولیو ویکسین کی دوسری خوراک سے پولیو کے خاتمے میں مدد ملے گی۔

اس سے قبل بچوں کو 14 ہفتے کی عمر میں پولیو سے بچاؤ کا پہلا ٹیکہ لگایا جاتا ہے، تاہم پولیو کے خاتمے کو یقینی بنانے  کے لیے اب پولیو سے بچاؤ کا دوسرا ٹیکہ بھی روٹین امیونائزیشن میں شامل کر لیا گیا ہے۔