وزیراعلیٰ خیبر پختونخوا محمود خان نے کہا ہے کہ منصوبے کی تکمیل سے ملاکنڈ ڈویژن میں سیاحتی اور کاروباری سرگرمیوں کو فروغ ملے گا۔

تفصیلات کے مطابق وزیراعلیٰ خیبر پختونخوا محمودخان نے دورہ چکدرہ کیا جہاں وزیراعلیٰ نے سوات موٹروے کے چکدرہ انٹر چینج کا افتتاح کیا۔

اس موقع پر وزیراعلیٰ کو سوات موٹروے فیز ون کی تکمیل کے سلسلے میں پیش رفت پر بھی بریفنگ دی گئی جبکہ سوات موٹروے فیز ٹو پر کام شروع کرنے کے سلسلے میں پیشرفت سے بھی اگاہ کیا گیا۔

 بریفنگ میں کہا گیا کہ سوات موٹروے فیز ون پر کام آخری مراحل میں ہے، اس سال اگست کے آخر تک فیز ون کو ٹریفک کے لیے مکمل طور پر کھول دیا جائے گا۔

رشکئی اکنامک زون حکومت کا فلیگ شب منصوبہ ہے، محمود خان

وزیراعلیٰ خیبر پختونخوا محمودخان نے کہا کہ سوات موٹروے پورے ملاکنڈ ڈویژن کے کےلئے انتہائی اہمیت کا حامل منصوبہ ہے، منصوبے کی تکمیل سے ملاکنڈ ڈویژن میں سیاحتی اور کاروبار سرگرمیوں کو فروغ ملے گا جبکہ علاقے کے لوگوں کو آمدورفت کی معیاری سہولیات میسر آئیں گی۔

چکدرہ کے دورے پر وزیراعلیٰ خیبر پختونخوا محمودخان کے ہمراہ فرانٹیر ورکس آرگنائزیشن ، پختونخوا ہائی ویز اتھارٹی اور ڈویژنل انتظامیہ کے اعلی حکام بھی موجود تھے۔