گلوکارہ سائرہ پیٹر نے فیصلہ کیا ہے کہ وہ کورونا وائرس سے متاثرہ فنکاروں اور ان کی فیملی کو سپورٹ کرنے کے لیے آن لائن کنسرٹ کریں گی۔

گلوکارہ سائرہ آن لائن کنسرٹ کے حوالے سے بتایا کہ تمام تر تیاریاں مکمل کر لی گئی ہیں۔

انہوں نے بتایا کہ ہم نے لندن سے آن لائن کنسرٹ کا فیصلہ کیا ہے، ہماری ٹیم نے اس سلسلے میں تیاریاں شروع کردیں ہیں اور جیسے ہی کورونا وائرس سے پیدا ہونے والی صورتحال بہتر ہوگی میں پاکستان پہنچ کر اپنے ساتھ فنکاروں سے ملاقات کروں گی۔

انہوں نے کہا ہے کہ میں لندن میں رہتی ہوں لیکن میرا دل پاکستان میں دھڑکتا ہے۔

یاد رہے کہ عالمی شہرت یافتہ صوفی اوپیرا سنگر سائرہ پیٹر ان دنوں لندن میں موجود ہیں۔

خیال رہے کہ کورونا وائرس سے متاثرہ روزانہ اُجرت پر کام کرنے والے پاکستانی فنکاروں، گلوکاروں، موسیقاروں، کیمرہ مینوں اور دیگر ہنر مندوں کی مدد کے لیے آیندہ ماہ سے ان لائن شوز میں آواز کا جادو جگائیں گی۔

اس حوالے سے سائرہ پیٹر کا کہنا ہے کہ ہم اپنے پاکستانی فنکاروں کو پریشانی میں تنہا نہیں چھوڑیں گے۔

واضح رہے کہ سائرہ پیٹر نے کہا کہ حالات بہتر ہورہے ہیں لیکن روزانہ اجرت پر کام کرنے والے فنکاروں کو بہت پریشانیوں کا سامنا کرنا پڑ رہا ہے۔