حکومت  نے او پی ڈیز کو فوری کھولنے کی مخالفت کر دی۔

تفصیلات کے مطابق اسپیکر اسد قیصر کی صدارت قومی اسمبلی اجلاس میں پارلیمانی سیکرٹری صحت نوشین حامد نے کہا کہ او پی ڈیز میں لوگوں کا بہت رش ہوتا ہے، او پی ڈی کھولنے سے کورونا کیسز پھیلنے کا خدشہ ہے۔

پارلیمانی سیکرٹری صحت نوشین حامد نے مزید کہا کہ ڈبلیو ایچ او کی سفارش پر او پی ڈیز کو بند کر رکھا ہے، کورونا کیسز میں کمی آرہی ہے،این سی او سی نے ہدایت دی تو کھول دینگے۔

قومی اسمبلی میں کورونا وائرس پر اپوزیشن اظہار خیال

قومی اسمبلی اجلاس سے خطاب کرتے ہوئے علی اعوان نے کہا کہ بائیس لاکھ کی آبادی میں پمز اور پولی کلینک دو اسپتال ہیں جبکہ او پی  ڈیز بند ہونے سے مریضوں کو مشکلات کا سامنا ہے۔

 علی اعوان نے یہ بھی کہا کہ اسلام آباد اور گردو نواح کے علاقے کے لوگ پریشانی کا شکار ہیں لہذا آپریشن تھیٹر کو کھولا جائے۔