پاکستان شوبز انڈسٹری کی نئی اُبھرتی ہوئی اداکارہ زینب شبیر نے بتایا کہ ان کا سوشل میڈیا اکاؤنٹ ہیک ہونے کے بعد دوبارہ بحال ہوگیا۔

یاد رہے کہ فوٹو اور ویڈیو شیئرنگ ایپ انسٹاگرام پر اداکارہ زینب شبیر نے دو تصاویر شیئر کی ہیں، جس میں سے ایک تصویر میں اداکارہ کو اُن کا اکاؤنٹ ہیک ہونے کی اطلاع دی گئی ہے۔

See more

 جبکہ دوسری تصویر میں میسج کا اسکرین شوٹ ہے جس میں بتایا گیا ہے کہ اُن کا اکاؤنٹ دوبارہ بحال کردیا گیا ہے۔

اداکارہ نے انسٹاگرام پر شیئر کردہ اپنی پوسٹ کے ساتھ کیپشن میں لکھا کہ پچھلے تین دن میرے، میرے اہل خانہ اور دوستوں کے لیے انتہائی مشکل گزرے، کیونکہ میرا انسٹاگرام اکاؤنٹ ہیک ہوگیا تھا۔

اداکارہ نے بتایا کہ اس کا میں نے اسکرین شوٹ شیئر بھی کیا ہے۔

زینب نے کہا کہ میں نے آپ سب کو ایسے میسجز سے محتاط کرنے کے لیے یہ پوسٹ شیئر کی ہے۔

انہوں نے iclpa @aqib522@ کا شکریہ ادا کیا کہ انہوں نے اس معاملے میں اُن کی مدد کی۔

دوسری جانب اداکارہ زینب شبیر نے اپنے دوست عبداللہ عاصم کا بھی شکریہ ادا کیا ہے۔

زینب شبیر کی جانب سے شیئر کردہ اس پوسٹ کو اب تک تقریباً ساڑھے پانچ ہزار مداح لائیک کرچکے ہیں جبکہ اس پر تبصروں کا سلسلہ بھی جاری ہے۔

واضح رہے کہ انسٹاگرام پر شئیر کی جانے والی پوسٹ کے اختتام میں اداکارہ نے لکھا کہ اُمید ہے جنہوں نے میرا اکاؤنٹ ہیک کیا تھا وہ دوبارہ ایسا کرنے کی غلطی نہیں کریں گے، دعاؤں کی طلبگار۔