چینی خاتون کا ڈھائی سال کا کھویا ہوا بیٹا 32 سال بعد واپس مل گیا ہے۔

غیر ملکی خبر رساں ادارے کے مطابق پتا چلا کہ چینی شہر شی آن کی رہائشی خاتون لی جنگ ژی کا بیٹا اکتوبر 1988میں اپنے والد کے ساتھ اسکول سے گھر واپس آتے ہوئے اغوا ہو گیا تھا۔

یاد رہے کہ دونوں ماں باپ نے بچے کی تصویروں کے پوسٹرز چھپوا کر آس پاس کے علاقوں میں بچے کو تلاش کیا لیکن بچے کا کچھ پتا نہ چلا۔

 لیکن خاتون نے بیٹے کے ملنے کی امید کبھی نہ چھوڑی اور مستقل متعلقہ حکام سے رابطے میں رہی۔

واضح رہے کہ  3 دہائیوں بعد حکومت کی جانب سے گمشدہ بچوں کی تلاش کی مہم میں خاتون کا ڈھائی سالہ بچہ 32 سال بعد انہیں واپس مل گیا۔