پاکستان کے نامور اداکار فیصل قریشی نے اپنی پریشانی کی اصل وجہ بتا دی۔

اداکار فیصل قریشی نے سماجی رابطے کی ویب سائٹ ٹوئٹر پر ایک پوسٹ شئیر کی جس میں انہوں نے بتایا کہ مسلسل 5 دن سے بجلی کی فراہمی معطل ہے، جنریٹر پر گزارا کیا جارہا ہے۔

5th day is going to start and still on generator..woh bechara bhi bhi ab ajeeb ajeeb awazian nikal raha hey @KElectricPk will you pay for my new generator or saal ka bill nahi lain gain ??? Still no electricity in my area ..

— Faysal Quraishi (@faysalquraishi) August 30, 2020

سوشل میڈیا سائٹ ٹوئٹر پر اپنا دُکھ بیان کرتے ہوئے لکھا کہ ’پانچ دن سے مسلسل جنریٹر چل رہا ہے اور اب وہ عجیب عجیب سی آوازیں بھی نکال رہا ہے۔‘

اداکار نے کے الیکٹرک کو ٹیگ کرتے ہوئے سوال کیا کہ کِیا آپ مجھے نیا جنریٹر دیں گے یا مجھ سے ایک سال کا بِل لینے کا ارادہ نہیں۔

دوسری جانب اداکارفیصل قریشی نے لکھا کہ لوگوں کی جانب سے کہا جارہا ہے کہ یہ احتیاط کیلئے کیا جارہا ہے، تو اس کا جواب یہ ہے کہ پولز پر ربر کی کوڈنگ کی جاتی ہے۔

اس حوالے سے ہیڈ ڈسٹری بیوشن کے الیکٹرک احسن انیس کا کہنا ہے کہ ڈیفنس کے4 سے 5 علاقوں میں تا حال پانی موجود ہے، پانی کی نکاسی کے بعد 6 سے 12 گھنٹوں میں بجلی بحال ہوگی۔

خیال رہے کہ احسن انیس کا کہنا تھا کہ صارفین بھی کہہ رہے ہیں کہ فلیٹس کی بیسمنٹ میں پانی موجود ہے، نکاسی تک بجلی نہ کھولیں۔

واضح رہے کہ ہیڈ ڈسٹری بیوشن کےالیکٹرک احسن انیس نے گفتگو کے دوران کہا ہے کہ بخاری کمرشل، نشاط کمرشل، اتحاد کمرشل کے علاقوں میں پانی موجود ہے۔