معاہدے کے بعد امارات اور اسرائیل کے درمیان مواصلاتی رابطے بحال کردیئے گئے ہے۔

امریکی میڈیا کے مطابق متحدہ عرب امارات اور اسرائیل معاہدے کے بعد دونوں ملکوں کے درمیان ٹیلی فون لائنز کھول دی گئی ہیں جس کے بعد عرب امارت سے باآسانی اسرائیل میں کسی بھی نمبر پر فون کیا جا سکتا ہے۔

متحدہ عرب امارات اور اسرائیل کے وزرائے خارجہ شیخ عبدالله بن زايد اور اسرائیلی وزیر خارجہ غابی اشکنزئی کے درمیان ٹیلی فونک رابطے سے دونوں ممالک کے درمیان فون لائنز کھولنے کا افتتاح کیا گیا ہے۔

اس موقع پر اسرائیلی وزیر مواصلات نے متحدہ عرب امارات کو ٹیلی فون لائنیں کھولنے پر مبارکباد دی۔

ایرانی صدر نے امارات کے اسرائیل سے معاہدے کو بہت بڑی غلطی قرار دیدیا

اسرائیلی وزیر مواصلات کا کہنا تھا کہ مواصلاتی رابطے کھلنے کے بعد متعدد معاشی مواقع پیدا ہوں گے جبکہ اعتماد بحالی کے اقدامات سے دونوں ممالک کے مفادات کا فروغ ممکن ہوگا۔

اس سے قبل دونوں ممالک کے شہریوں کے لیے ٹیلی فونک رابطہ ممکن نہیں تھا۔

یاد رہے کہ جمعرات کو اسرائیل اور متحدہ عرب امارات کے درمیان تاریخی معاہدہ طے پایا تھا جس کے تحت دونوں ممالک کے درمیان سفارتی تعلقات مکمل طور پر معمول پر آ جائیں گے