پاکستان کے معروف گلوکار ہارون شاہد اور زیب بنگش نے لیجنڈری جنید جمشید کو خراج عقیدت پیش کیا ہے۔

عید الاضحیٰ کے موقع پر ہارون شاہد اور زیب بنگش نے یکم جنوری 1995 کو ریلیز ہونے والے ماضی کے معروف میوزیکل بینڈ وائٹل سائنز کے گانے ’ہم تم‘ اور 1995 میں ہی ریلیز ہونے والے البم ’نام‘ میں شامل گانا ’پہلی دھڑکن‘ گا کر جنید جمشید کو خراج عقیدت پیش کیا ہے۔

See more

گلوکار اور اداکار ہارون شاہد نے جنید جمشید کے گیت کا اپنا ورژن پیش کرتے ہوئے لکھا کہ ’ہماری جانب سے پاکستان کے مایہ ناز پاپ بینڈ کو خراج عقیدت پیش کرنے کیلئے ہماری چھوٹی سی کاوش ہے۔

انہوں نے کہا کہ یقیناً آپ کو یہ کاوش پسند آئے گی۔

See more

ہارون اور زیب بنگش کی سُریلی آواز میں جنید جمشید کا گانا سُن کے مداح خوش ہوگئے اور لیجنڈ جنید جمشید کو یاد کرنے لگے۔

See more

واضح رہے کہ ہارون نے سماجی رابطے کی ویب سائٹ انسٹاگرام پر مداحوں کو کچھ دن پہلے ہی جنید جمشید کو خراج عقیدت پیش کرنے کے حوالے سے  بتا دیا تھا۔