پاکستان پیپلزپارٹی کی جانب سے عدالت میں کراچی کے متعلق بیان پر اٹارنی جنرل  کو سینیٹ میں طلب کرنے کا مطالبہ کردیا گیا ہے۔

سینیٹر رضا ربانی نے کہا آئین کے تحت حدود کے تعین کا اختیار پارلیمنٹ کو ہے، پارلیمان کسی شخص کو صوبائی اسمبلی اور پارلیمنٹ کے دائرہ اختیار میں مداخلت کی اجازت نہیں دے گی اس لئے حکومت آگ سے کھیلنا بند کرے۔

انہوں نے کہا ہے کہ ہم نہیں چاہتے ایسا معاملہ پیدا ہو جس سے اداروں میں تصادم ہو اس لئے 1962  کے آئین کی طرز پر ون یونٹ بنانے کی کوشش نہ کی جائے کراچی سندھ کا حصہ ہے اور رہے گا۔

ان کا کہنا تھا کہ حکومت اٹھارہویں ترمیم کو رول بیک کرنے کے راستے پر چل رہی ہے ،اگر کسی نے ایسا کیا تو اجازت نہیں دیں گے۔