پٹرولیم ڈویژن نے پاکستان میں تیل و گیس کی تلاش کے لئے ڈیش بورڈ تیار کر لیا ہے۔

تفصیلات کے مطابق پٹرولیم ڈویژن نے وزیراعظم کے ڈیجیٹل پاکستان وژن کیطرف اہم قدم اٹھاتی ہوئے پاکستان میں ایکسپوریشن کارروائیوں کو بہتر اور تیز کرنے کے کیے ڈیش بورڈ تیار کر لیاہے۔

وزارت پیٹرولیم کے ترجمان کا کہنا ہے کہ پراجیکٹ کو وفاقی وزیر عمر ایوب اور معاون خصوصی ندیم کی نگرانی میں مکمل کیا گیا،ایکسپوریشن منیجمنٹ سسٹم ایپ بلاکس کی کھدائی اور پیداوار کی رئیل ٹائم معلومات فراہم کرے گی۔

پٹرول کی قلت کے معاملے پر پٹرولیم ڈویژن میں اجلاس

ترجمان کا یہ بھی کہنا ہے کہ ڈیش بورڈ ایل ایم کے آر کمپنی کےاشتراک سے تیار کیا گیا ہے جبکہ ڈیش بورڈ کو قلیل مدت اور کم بجٹ میں تیار کیا گیا ہے۔

اپنے بیان میں وزارت پیٹرولیم کے ترجمان نے کہا کہ ڈیش بورڈ کو ای اینڈ پی انڈسٹری میں کاروبار میں آسانی کے لیے استعمال کیا جائے گا۔

وزارت پیٹرولیم کے ترجمان نے مزید کہا کہ ای ایم ایس ایپ ڈیٹا بیس کے ذریعے فیصلہ سازی اور مینجمنٹ میں مدد ملے گی جبکہ پٹرولیم ڈویژن ملکی معاشی ترقی و نمو کیلئے اپنا کردار جاری رکھے گی۔