ایران اور چین کے معاملات پر بات چیت کے لیے امریکی وزیر خارجہ مائیک پومپیو امارات اور اسرائیل کا دورہ کریں گے۔

تٖصیلات کے مطابق امریکی وزیر خارجہ مائیک پومپیو اسرائیل کا دورہ کریں گے جس میں پومپیو اسرائیلی وزیراعظم بنجمن نیتن یاھو اور دیگر اعلیٰ عہدیداروں سے ملاقات کریں گے جبکہ اس کے بعد وہ متحدہ عرب امارات جائیں گے۔

دونوں ملکوں کے دورے کا مقصد حال ہی میں یو اے ای اور تل ابیب کے درمیان ہونے والے امن معاہدے کو آگے بڑھانا جبکہ چین اور ایران جیسے اہم معاملات پر اپنے دیرینہ اتحادیوں سے صلاح مشورہ کرنا ہے۔

ذرائع کا کہنا ہے کہ پومپیو کے ایجنڈے میں ان سیکیورٹی چیلنجوں پر تبادلہ خیال کرنا بھی شامل ہے جو ایران اورچین کی وجہ سے امریکا کو درپیش ہیں۔

یاد رہے کہ امریکی وزیر خارجہ ایک ایسے وقت میں امارات اور اسرائیل کا دورہ کر رہے ہیں جب رواں ماہ 13 اگست امارات اور اسرائیل نے ایک امن معاہدے کا اعلان کیا ہے۔

مزید پڑھیں

شہباز شریف نیازی قبیلے سے معافی مانگیں، شہبازگل

پاکستان تحریک انصاف کے رہنما شہباز گل نے کہا ہے کہ شہباز...

پاک، امریکہ تعلقات مضبوط بنیاد پر استوار ہیں، مائیک پومپیو

امریکی سیکرٹری خارجہ مائیک پومپیو نے کہا کہ امریکہ اور پاکستان تعلقات...

 دونوں ملکوں کے درمیان امن معاہدے کا اعلان سب سے پہلے امریکی صدر ڈونلڈ ٹرمپ نےٹویٹر پر ایک ٹویٹ میں کیا اور اس معاہدے کو تاریخی فیصلہ قرار دیا۔

امریکی صدر ڈونلڈ ٹرمپ کا کہنا تھا کہ متحدہ عرب امارات اور اسرائیل کے مابین معاہدے سے فلسطینی اراضی کے اسرائیل سے الحاق کے پروگرام کو منجمد کر دے گا۔