پاکستان کے نامور اداکار شان نے حالیہ صورتحال کو مایوسی کی وجہ قرار دیا۔

اداکار شان نے کہا کہ  کراچی میں بجلی سمیت دیگر مسائل کی وجہ سے شدید  مایوس ہوں۔

When The light comes back it will take away the light of hope .. as we will forget it ever happened &will start living our lives .. but till when ? What good is freedom if this is the life freedom brings ? . Be your #voice .#unite #unitekhi #risekhi #powertothepeopleofkhi♥️🙏🏼

— Shaan Shahid (@mshaanshahid) August 27, 2020

کراچی کی صورتحال پر بات کرتے ہوئے اداکار نے کہا کہ  کراچی میں حالیہ بارشوں میں شہر کی تباہی وبربادی نے صوبائی وبلدیاتی حکومتوں کی کارکردگی کی قلعی کھول دی اور ساتھ ہی کے الیکٹرک کی انتظامیہ کو بھی ایک بار پھر سے بے نقاب کردیا ہے۔

اداکار نے کہا کہ  الیکٹرک کی انتظامیہ نے بارش کے باعث مسائل سے پریشان عوام کو 3 دن گزرنے کے باوجود بجلی کی فراہمی معمول پر نہ لاکر مزید پریشانی میں مبتلا کیا۔

یاد رہے کہ کراچی کے بڑھتے مسائل نے جہاں شہریوں کو مایوس کیے رکھا وہیں شوبز انڈسٹری سے تعلق رکھنے والے چند فنکاروں نے بھی اس صورتحال پر افسوس کا اظہار کیا ہے۔

پر اداکار شان نے سماجی رابطے کی ویب سائٹ پر ٹوئٹ میں کراچی کے مسائل پر مایوسی کا اظہار کرتے ہوئے کہا کہ جب تک بجلی واپس آئے گی تب تک وہ امید کی کرن واپس لے جاچکی ہوگی۔

 انہوں نے مزید کہا کہ  ہم ہمیشہ کی طرح سب کچھ بھول جائیں گے کہ جیسے یہ مسئلہ کبھی ہوا ہی نہیں اور ایک بار پھر سے اپنے معمول پر آجائیں گے اور دوبارہ ویسے ہی جینے لگیں گے۔

اداکار شان نے مزید کہا کہ آخر کب تک یہ سلسلہ چلتا رہے گا اور ہم ایسے کب تک جیتے رہیں گے۔

واضح رہے کہ اداکار شان نے ٹوئٹ کے اختتام میں سوالیہ انداز اپنایا اور مشورہ دیتے ہوئے کہا کہ  اگر آزادی ایسی زندگی جینے کا موقع دیتی ہے تو پھر ایسی آزادی کا کیا فائدہ ہے، اپنی آواز اٹھاو۔