شہرقائد کی بلدیہ عظمی میں ایڈمنسٹریٹر کی تعیناتی کا معاملہ، مختلف نام گردش کرنے لگے

کراچی کی بلدیہ عظمی میں ایڈمنسٹریٹر کی تعیناتی کا معاملہ، مختلف نام گردش کرنے لگ گئے ہیں۔

سندھ حکومت کی جانب سے مختلف ناموں پر غور شروع ہوچکا ہے۔

ذرائع کے مطابق اچھی ساکھ کے حامل  بیوروکریٹس کے نام بھی ممکنہ ایڈمنسٹریٹر کے لئے  زیر غور ہیں جبکہ شہرقائد کے ایڈمنسٹریٹر کیلئے سول سوسائٹی سے تعلق رکھنے والی تین شخصیات کے ناموں پر بھی غور ہے۔

سول سوسائٹی سے معروف آرکیٹیکٹ ڈاکٹر نعمان احمد اور سابق سینیٹر تاج حیدر کے ناموں پر مشاورت جاری ہے جبکہ سول سوسائٹی سے ماہر معیشت اسد سعید کا نام بھی ایڈمنسٹریٹر کے لئے زیر غور ہے۔

سندھ حکومت پارٹی قیادت کی مشاورت سے نام فائنل کرے گی۔