ترجمان کے الیکٹرک نور افشاں نے کہا ہے کہ نکاسی آب بھی کے الیکٹرک کے لیے سب سے بڑا چیلنج ہے۔

تفصیلات کے مطابق  ترجمان کے الیکٹرک نور افشاں  نے اپنے ایک  ویڈیو بیان   میں کہا کہ کراچی کے کچھ علاقوں میں 100ملی میٹر بارش ہوئی ہے۔

نور افشاں نے اپنے بیان میں کہا کہ سرجانی،گلستان جوہر اور بن قاسم میں پانی کی نکاسی نہیں ہورہی جبکہ کئی علاقوں میں پانی جمع ہے اور  کہیں کہیں گھروں میں داخل ہوچکا ہے۔

https://87a505d36e.nxcli.net/urdu/wp-content/uploads/2020/08/WhatsApp-Video-2020-08-25-at-8.55.52-PM.mp4?_=2

 ترجمان کے الیکٹرک کا کہنا تھا کہ ہمیں شہریوں کی شکایات موصول ہوئی ہیں لیکن انسانی جانوں کے تحافظ کیلیے کچھ علاقوں کی بجلی کی سپلائی روکی گئی ہے۔

نور افشاں کا یہ بھی کہنا تھا کہ حالیہ بارشوں میں سیکڑوں فیڈرز کی سپلائی خود معطل کی گئی  کیونکہ نکاسی آب بھی کے الیکٹرک کے لیے سب سے بڑا چیلنج ہے۔

ترجمان کے الیکٹرک نور افشاں کا مزید کہنا تھا کہ کے الیکٹرک کے تنصیبات کے قریب پانی جمع ہے جبکہ تنصیات کے قریب پانی کی وجہ سے بجلی بحال نہیں کرسکتے اور پانی کی مکمل نکاسی کے بعد ہی بجلی کی بحالی ممکن ہے۔

دوسری جانب ذرائع کے الیکٹرک کا کہنا ہے کہ بارش کے بعد کے الیکٹرک کے 600 سے زائد  فیڈرز ٹرپ کر گئے ۔

مزید پڑھیں

 مونسون کے چھتیس سالہ رین ریکارڈ ٹوٹنے کی تصدیق

محکمہ موسمیات نے مونسون کے چھتیس سالہ رین ریکارڈ ٹوٹنے کی تصدیق...

ذرائع کے الیکٹرک کے مطابق سرجانی ٹاؤن،میں 4 روز سے بجلی بند ھے جبکہ پی آئی بی کالونی میں 10 گھنٹے سے بجلی بند ہے اور نارتھ کراچی ، اورنگی ٹاؤن ، گلستان جوہر ، لیاقت آباد ، ملیر ، گڈاپ اور بن قاسم ، قیوم آباد لانڈھی ملیر سمیت مختلف علاقوں میں صبح سے بجلی بند ہے۔