جشن آزادی کے موقع پر اپنے تہنیتی پیغام میں آسٹریلوی ہائی کمشنر جیفری شاء نے کہا ہے کہ آسٹریلیا کو فخر ہے کہ وہ ایک مضبوط ، آزاد اور خوشحال ملک کی تعمیر میں پاکستانی عوام کے ساتھ کھڑا ہے۔

آسٹریلوی ہائی کمشنر ڈاکٹر جیفری شاء نے پاکستان کو جشن آزادی کی مبارکباد پیش کرتے ہوئے کہا ہے کہ میں آج پاکستان کے عوام اور حکومت کے ساتھ یوم آزادی کے جشن میں شامل ہوں اس 73 سالہ آزادی کے عرصے میں پاکستان ایک قوم کی حیثیت سے ابھرتا رہا ہے آسٹریلیا اس پورے عرصے میں پاکستان کا ایک مستحکم دوست رہا ہے۔

انہوں نے کہا ہے کہ دولت مشترکہ ممالک کی حیثیت سے ہماری بہت سی اقدار یکساں ہیں جن میں جمہوریت کی بالادستی اور قواعد پر مبنی نظام شامل ہیں۔

جیفری شاء کا کہنا تھا کہ آسٹریلیا کو فخر ہے کہ وہ ایک مضبوط، آزاد اور خوشحال ملک کی تعمیر میں پاکستانی عوام کے ساتھ کھڑا ہے۔

مزید پڑھیں

حکومت پاکستان اور عوام کو جشن آزادی مبارک ہو، وینڈی گلمور

پاکستان میں کینیڈا کی ہائی کمشنر وینڈی گلمور نے کہا ہے کہ...

انہوں نے بتایا کہ ہمارے دوطرفہ تعلقات کی ایک خاص بات یہ ہے کہ ہم ہر بحران میں ایک دوسرے کے ساتھ کھڑے رہے ہیں کوویڈ 19 کی عالمی وبا کے دوران سب سے زیادہ ظاہر ہےاس وائرس سے مقابلے میں پاکستان کی طرف سے دکھائے جانے والی لچک اور عزم کیلئے میرے دل میں گہری تعریف اور احترام ہے۔

مزید پڑھیں

خوشحالی کی بحالی کے لیے قرضوں کی واپسی معطل کر رہے ہیں، پاول جونز

پاکستان میں امریکی قائمقام سفیر ایمبیسڈر پاول جونز نے کہا ہے کہ...

ان کا کہنا تھا کہ آسٹریلیا میں مقیم پاکستانیوں کی تاریخ ان اونٹ چرواہوں تک جاتی ہے جنہوں نے پہلی بار 19 ویں صدی کے وسط میں آسٹریلیا میں قدم رکھا تھا اس وقت سے، ہماری متحرک پاکستانی کمیونٹی نے سائنس، تعلیم، ٹکنالوجی، طب اور فنون لطیفہ اور عقائد پر مبنی تنظیموں کے ذریعہ آسٹریلیا کے کثیر الثقافتی معاشرے کی تعمیر میں ایک اہم کردار ادا کیا ہے۔

آسٹریلوی ہائی کمشنر کا کہنا تھا کہ میں تعلیم، تجارت، ترقی، دفاع اور سلامتی کے ساتھ ساتھ کھیلوں اور مضبوط ثقافتی تعلقات میں بھی ہمارے دوطرفہ تعاون کا خیرمقدم کرتا ہوں مجھے یقین ہے کہ ہماری دونوں اقوام مستقبل میں بھی اس دوستی کو قائم ومستحکم رکھیں گی۔