یکم ستمبر سے پیٹرول کی قیمتوں کا تعین پندرہ روز کی بنیاد پر ہوگا جس کے تحت ہر پندرہ روز بعد نئی قیمتیں جاری کی جائیں گی۔

تفصیلات کے مطابق ترجمان وزارت توانائی نے اپنے ایک بیان میں کہا کہ پیٹرولیم مصنوعات کی قیمتوں کا تعین پندرہ روز کی بنیاد پر یکم ستمبر سے شروع کیا جائے گا۔

ترجمان وزارت توانائی نے مزید کہا کہ ملک میں یکم ستمبر سے یورو فائیو ڈیزل اور پیٹرول متعارف کرانے کا بھی فیصلہ کیا گیا ہے، یکم ستمبر کے بعد آئل مارکیٹنگ کمپنیوں کو یورو فائیو سے کم پیٹرولیم مصنوعات کی در آمد کی اجازت نہیں ہوگی۔

پیٹرولیم مصنوعات کی قیمتیں ہر 15 روز بعد تبدیل کرنے کا فیصلہ

 یاد رہے اس سے قبل اسلام آبا د میں مشیرخزانہ عبدالحفیظ شیخ کی زیرصدارت اقتصادی رابطہ کمیٹی کااجلاس ہوا جس میں حکومت نے  پیٹرولیم مصنوعات کی قیمتیں ہر 15 روز بعد تبدیل کرنے کا فیصلہ کیا تھا۔

اجلاس  میں  پٹرولیم مصنوعات کی قیمتیں تبدیل کرنےکی تجاویز منظور کر لی گئیں۔

ذرائع کا کہنا تھا کہ  اجلاس میں 3 لاکھ میٹرک ٹن چینی درآمدکرنےکی بھی منظوری دے دی گئی جبکہ پٹرولیم مصنوعات کی قیمتوں کےتعین کےطریقہ کارکابھی جائزہ بھی لیا گیا۔