پاکستان شوبزانڈسٹری کے نامور اداکار احد رضا میر عالمگیر نے لندن میں  تھیٹر کے موخر ہونے پر ناخوش ہونے کا اظہار کیا۔

تفصیلات کے مطابق اداکار احد رضا میر نے سماجی رابطے کی ویب سائٹ انسٹاگرام پر اپنی ایک تصویر شیئر کرتے ہوئے بتایا کہ عالمی وبا کے باعث رواں سال برطانیہ میں تھیٹرکرنے سے محروم رہیں گے۔

See more

اداکار نے لکھا کہ بدقسمتی سے اس سال ہم تھیٹر نہیں کریں گے، روز تھیٹر اور میں نے ہیملٹ کی پروڈکشن اگلے سال کرنے کا فیصلہ کیا ہے۔

یاد رہے کہ ہیملٹ عظیم انگریزی مصنف اور ناول نگار ولیم شیکسپیئر کی تصنیف ہے جسے روز تھیٹر کی جانب سے لندن میں پیش کیا جانا تھا لیکن اب اسے 2021 تک موخر کردیا گیا ہے۔

دوسری جانب گزشتہ سال ماہِ جون میں کینیڈا میں ہونے والی ایک ایوارڈ شو کی تقریب میں بہترین انٹرنیشنل تھیٹر اداکار کا ایوارڈ جیتا تھا۔

یاد رہے کہ احد کو یہ ایوارڈ مقبول تھیٹر پلے ’ہیملٹ اے گھوسٹ اسٹوری‘ میں بہترین پرفارمنس پر دیا گیا۔

واضح رہے کہ احد رضا میر نے اپنی پوسٹ میں یہ بھی لکھا کہ تھیٹر کا یوں موخر کیا جانا ایک عجیب تجربہ ہے لیکن ہم سب مل کر شیکسپیئر کے لفظوں کا جادو جگانے کیلئے جلد ملیں گے۔