پاکستان کے معروف اداکار محب مرزا نے اپنی سابقہ اہلیہ کی دوسری شادی کے بعد ایک صارف کی جانب سے کیے جانے والے سوال پر کیا جواب دیا؟

فوٹو اور ویڈیو شیئرنگ ایپ انسٹاگرام پر اداکار سے اُن کی ایک مداح نے کمنٹ کرتے ہوئے کہا کہ ’وہ بےچینی سے محب کی شادی کی خبر کے انتظار میں ہیں۔‘

صارف کی جانب سے کیے جانے والے سوال پر اداکار نے کہا کہ زندگی میں شادی کے علاوہ بھی کرنے کو بہت کچھ ہے۔

محب مرزا نے اپنی پرستار کو جواب دیتے ہوئے لکھا کہ زندگی میں کرنے کو اور بھی بہت کچھ ہے۔

یاد رہے کہ گزشتہ روز سوشل میڈیا پیغام میں محب مرزا کا کہنا تھا کہ وقت کبھی ایک سا نہیں رہتا۔

اداکار محب مرزا نے اپنے سوشل میڈیا پیغام میں لوگوں کو مشورہ دیا کہ وقت کے اتار چڑھاؤ سے پریشان ہونے کے بجائے ہمیشہ مثبت رہیں۔

See more

انہوں نے مداحوں سے کہا کہ یاد رکھے کہ وقت کبھی بھی ایک جیسا نہیں رہتا اگر اچھا وقت نہیں رہا تو بُرا بھی گزر جائے گا۔

محب مرزا کی سابقہ اہلیہ آمنہ شیخ نے حال ہی میں معروف کاروباری شخصیت سے رشتہ ازدواج میں منسلک ہوئی ہیں۔

خیال رہے کہ محب مرزا اور آمنہ شیخ کے درمیان علیحدگی ہوگئی تھی اور گزشتہ برس محب مرزا نے ایک پروگرام میں اس کی تصدیق کی تھی۔

دوسری جانب محب مرزا نے ایک ٹی وی شو میں میزبان کے پوچھے گئے سوال کا جواب دیتے ہوئے تصدیق کی تھی کہ وہ اپنی اہلیہ سے الگ ہوگئے ہیں۔

تاہم محب مرزا نے آمنہ شیخ سے علیحدگی سے متعلق کوئی تفصیل نہیں بتائی تھی اور کہا تھا کہ اب وہ ساتھ نہیں رہتے۔

واضح رہے کہ مرزا اور آمنہ شیخ نے 2005 میں شادی کی تھی اور شادی کے 10 برس بعد اگست 2015 میں پہلی بیٹی کی پیدائش ہوئی تھی۔