امریکی صدر صدر ٹرمپ کا حکم ہے کہ حکومت ضروری ادویات امریکی کمپنیوں سے خریدے۔

 غیر ملکی خبر ایجنسی کے مطابق حکم نامے کے تحت حکومت کیلئے لازم ہے کہ وہ ‘ضروری ادویات’، غیر ملکی کمپنیوں کی بجائے امریکی کمپنیوں سے خریدیں۔

امریکی صدارتی حکم نامہ میں کہا گیا ہے کہ امریکہ کو متعدی امراض کے پھیلاؤ، کیمیاوی، حیاتیاتی، تابکاری اور جوہری خطرات سے اپنے شہریوں، اہم بنیادی ڈھانچے، افواج اور معیشت کو تحفظ دینا ہو گا۔

ڈونلڈ ٹرمپ کی جانب سے صدارتی حکم نامہ میں واضح کیا گیا ہے کہ یہ انتہائی اہم ہے کہ ہم ضروری ادویات، ماسک، دستانے، حفاظتی چشموں اور وینٹی لیٹروں سمیت دیگر طبی ساز و سامان کیلئے، غیر ملکی مینوفیکچرنگ پر انحصار کم کریں۔

 صدراتی حکم نامہ میں کہا گیا کہ ان چیزوں کی ممکنہ قلت کے خطرے کو کم کرنے کیلئے صحت سے متعلق اپنے ملکی شعبے کو متحرک کیا جائے۔

اس حوالے سے وائٹ ہاؤس کے مشیر برائے تجارت  نے بتایا کہ امریکی حکومت ضروری ادویات کی ایک فہرست مرتب کرے گی۔

یاد رہے کہ پیٹر نیوارونے کہا کہ فہرست مرتب کے بعد انہیں چین جیسے غیر ممالک سے خریدنے کی بجائے،امریکی کمپنیوں سے خریدے گی۔

واضح رہے کہ وائٹ ہاؤس کے مشیر برائے تجارت نے بتایا کہ اس سے ادویات کی قیمتوں کو کم کرنے کیلئے درکار مینوفیکچرنگ ٹیکنالوجی کو بھی فروغ مل سکتا ہے۔