پاکستان کی معروف اداکارہ سارہ خان نے یوٹیوب چینل نہیں بنانے کی اہم وجہ بتا دی ہے۔

اداکارہ سارہ خان نے سماجی رابطے کی ویب سائٹ انسٹاگرام پر ایک پوسٹ کی جس میں انہوں نے یوٹیوب چینل نہیں بنانے کی دلچسپ وجہ بتائی۔

See more

ادکارہ نے اپنے ایک انٹرویو میں کہا کہ انہیں لگتا ہے کہ وہ کبھی بھی یوٹیوب پر نہیں آسکتیں کیونکہ یوٹیوب پر بہت زیادہ بولنا پڑتا ہے اور وہ زیادہ بول نہیں سکتیں۔

سارہ خان نے بتایا کہ کہ ان کا اداکاری کو ہی آگے لے کر چلنے اور کامیاب ہونے کا ارادہ ہے۔

یاد رہے کہ پاکستان انٹرٹینمنٹ انڈسٹری کے متعدد اداکار اور اداکاراؤں کی جانب سے یوٹیوب چینل چلایا جا رہا ہے جس میں اداکارہ اقرا عزیز، فیصل قریشی، عائشہ عمر، صبا قمر اور دیگر اداکارائیں بھی شامل ہیں۔

واضح رہے کہ اداکارہ عائشہ عمر، صبا قمر، جنید خان اور اقرا عزیز کے بعد  اداکار اسامہ طاہر نے بھی لاک ڈاؤن کے دوران بوریت سے بچنے اور مداحوں کو محظوظ کرنے کے لیے یوٹیوب پر چینل کھولا تھا۔