پاکستان کے نامور اداکار اعجاز اسلم بھی پشتون شخص کے برطانوی انداز کے دیوانے ہو گئے۔

تفصیلات کے مطابق گزشتہ دنوں مائیکرو بلاگنگ سائٹ ٹوئٹر پر حسن زیدی نامی صارف نے ایک ویڈیو شیئر کی تھی جس میں ایک پشتون شخص برطانوی انداز میں کمینٹری کرتا نظر آرہا تھا۔

سماجی کارکن شنیرا اکرم کے بعد اب معروف اداکار اعجاز اسلم نے بھی برطانوی انداز میں کمینٹری کرنے والے پشتون شخص کی تعریف کردی۔

See more

حسن زیدی کی جانب سے شیئر کی جانے والی ویڈیو میں ایک پشتون شخص سر پر ٹوپی اور کندھے پر رومال لیے برطانوی کمینٹیٹر کی کمینٹری کی اداکاری کر رہا تھا اور دیکھنے والوں کو ایسا محسوس ہو رہا تھا کہ جیسے یہ کمینٹری یہ پشتون شخص ہی کر رہا ہے۔

https://twitter.com/iamShaniera/status/1307522391778750464

اعجاز اسلم نے بھی پشتون شخص کے ٹیلنٹ کو سراہتے ہوئے انسٹاگرام پر ویڈیو پوسٹ کی ہے۔

اداکار نے لکھا کہ یہ واقعی میں حیرت انگیز ہے۔

اعجاز اسلم نے ویڈیو پر اپنی پسندیدگی کا اظہار کرتے ہوئے لکھا کہ ہمارا ملک زبردست اور لاجواب ٹیلنٹ سے بھرا ہوا ہے۔

اداکار نے اپنی پوسٹ کے کیپشن میں ہیش ٹیگ پاکستان ، ٹیلنٹ اور ٹیلنٹڈ بھی استعمال کیے۔

دوسری جانب اعجاز اسلم کی پوسٹ پر معروف اداکار و میزبان فیصل قریشی نے کمنٹ کرتے ہوئے لکھا کہ یہ حیران کُن ہے۔

فیصل قریشی نے اپنے کمنٹ میں اظہارِ محبت والے ایموجی کا بھی اضافہ کیا جس سے واضح ہو رہا ہے کہ اُنہیں پشتون شخص کا انداز پسند آگیا ہے۔