پاکستان شوبز انڈسٹری سے عارضی کنارہ کشی اختیار کرنے والے حمزہ علی عباسی اور اُن  کی بہن فضیلہ عباسی کی حمزہ عباسی کے نومولود بیٹے مصطفیٰ کے ساتھ ویڈیو وائرل ہوگئی۔

تفصیلات کے مطابق سوشل میڈیا سائٹ انسٹاگرام پر حمزہ علی عباسی کی اہلیہ نیمل نے والد اور بیٹے کی ایک مختصر ویڈیو شیئر کی جس میں ماسک پہنے حمزہ عباسی نے بیٹے مصطفی کو گود میں اٹھایا ہوا ہے۔

See more

دوسری جانب حمزہ علی عباسی کی بہن ڈاکٹر فضیلہ عباسی نے بھی مصطفیٰ کو اٹھائے مختلف ویڈیوز شیئر کیں جس سے ظاہر ہوتا ہے کہ وہ مصطفیٰ کے ساتھ وقت گزارنے میں خوشی محسوس کرتی ہیں۔

یاد رہے کہ معروف اداکار حمزہ علی عباسی اور اداکارہ نیمل خاور گزشتہ سال 25 اگست کو رشتہ ازدواج میں بندھ گئے تھے۔

واضح رہے کہ شوبز انڈسٹری سے کنارہ کشی اختیار کرنے والی جوڑی حمزہ علی عباسی اور نیمل خاور عباسی کے ہاں رواں ماہ 30 جولائی کو بیٹے کی پیدائش ہوئی۔