مشہور مزاحیہ ٹی وی سیریز ’’الف نون‘‘ کو   ایک بار پھر دوبارہ بنانے کی تیاریاں شروع کی جا رہیں ہیں۔

تفصیلات کے مطابق 60 کی دہائی کی مشہور مزاحیہ ٹی وی سیریز ’’الف نون‘‘ کو جلد ہی ایک فیچر فلم کے طور پر دوبارہ پیش کیا جائے گا۔

یاد رہے 1965 میں نشر ہونے والی طنزومزاح پر مبنی ٹی وی سیریز ’’الف نون‘‘ آج بھی لوگوں کے ذہنوں میں تازہ ہے۔

 اس ٹی وی سیریز میں ملکی اور معاشرتی مسائل کو طنزو مزاح کے انداز میں عوام کے سامنے پیش کیا جاتا تھا۔

پاکستان کی اس کلاسیکل ٹی وی سیریز کو ایک بار پھر فیچر فلم میں تیار کیاجارہاہے جس میں گلوکار شہزاد رائے اداکاری کرتے نظر آئیں گے۔

پاکستان کے نامور گلوکار اور سماجی کارکن شہزاد رائے نے انسٹاگرام پر اوریجنل ’’الف نون‘‘ کا ایک مزاحیہ کلپ شیئر کرتے ہوئے کہا ہے کہ اس ویڈیو کلپ سے ظاہر ہوجائے گا کہ میں اور فیصل قریشی کیوں فلم’’الف نون‘‘ بنارہے ہیں۔

See more

دوسری جناب فیصل قریشی نے نہ صرف فلم کا اسکرپٹ لکھا ہے بلکہ وہ فلم کی ہدایات بھی دیں گے۔

شہزاد رائے کی جناب سے پوسٹ کی جانے والی ویڈیو میں دیکھا جا سکتا ہے کہ اس ویڈیو کلپ میں الن اور ننھا ملک میں جاری مہنگائی اور ذخیرہ اندوزی کے حوالے سے بات کرتے نظر آرہے ہیں۔

شہزاد رائے نے ان مسائل کو آج کے مسائل سے جوڑتے ہوئےکہا کہ جو مسائل اس وقت پاکستان میں تھے یہی مسائل آج بھی موجود ہیں۔

’’الف نون‘‘ کے مرکزی کرداروں میں اَلّن کا مشہور کردار کمال احمد رضوی اور ننھا کا کردار فیع خاور نے ادا کیا تھا اور اب یہ دونوں کردار شہزاد رائے اور فیصل قریشی ادا کریں گے۔

واضح رہے کہ گللوکار شہزاد رائے نے بتایا کہ فلم ’’الف نون‘‘ کی کہانی پچھلی سیریز سے مختلف ہوگی لیکن فلم کا مرکزی خیال وہی ہوگااور فلم میں اداکاری کرنے پر خوشی کااظہار بھی کیا ہے۔