پاکستان کے نامور اداکار نعمان اعجاز نے راحت اندوری کو خراج عقیدت پیش کر دیا ہے۔

اداکار نعمان اعجاز نے سماجی رابطے کی ویب سائٹ انسٹاگرام پر اُردو کے معروف شاعر راحت اندوری کو خراج عقیدت پیش کرتے ہوئے اُن کے لیے ایک پیغام جاری کیا ہے۔

See more

اداکار نعمان اعجاز نے انسٹاگرام پراپنی ایک فوٹو شیئر کی ہے جس میں وہ ایک ضعیف شخص کے روپ میں دکھائی دے رہے ہیں، اُن کی سیاہ و سفید رنگ کی لمبی سی داڑھی بھی ہے۔

اداکار نے انسٹاگرام پر شیئر کردہ اپنی تصویر کے ساتھ کیپشن میں اردو کے معروف شاعر اور گیت نگار راحت اندوری کا ایک شعر لکھا کہ:

’فیصلہ چاہے کچھ بھی ہو، ہمیں منظور ہونا چاہیے
جنگ ہو یا عشق ہو، بھرپور ہونا چاہیے‘

اس شعر کےساتھ ہی نعمان اعجاز نے راحت اندوری کا نام لکھا اور اُن کی روح کے سکون کے لیے دعا کی۔

علاوہ ازیں انہوں نے مزید لکھا کہ خود اعتماد ی سے بہتر کوئی میک اپ نہیں ہے۔

واضح رہےکہ نامور بھارتی شاعر راحت اندوری رواں سال 11 اگست کو بھارتی ریاست مدھیہ پردیش کے شہر اندور میں دل کا دورہ پڑنے سے انتقال کرگئے تھے۔