پاکستان کی مشہور اداکارہ حریم فاروق کی ویڈیو سوشل میڈیا پر وائرل ہوگئی۔

 اداکارہ حریم فاروق نے سماجی رابطے کی ویب سائٹ انسٹاگرام پر اپنی ایک ویڈیو پوسٹ کی ہے جس میں حریم فاروق نے ملکہ ترنم نور جہاں کو مشہور پنجابی گانے ’مُنڈیا سیالکوٹیا‘ کی لپ سنکنگ کر کے خراج تحسین پیش کیا۔

See more

یاد رہے کہ اداکارہ کا کسی شخصیت کو خراج تحسین پیش کرنے کا یہ منفرد انداز سب ہی کو بھا گیا۔

حریم فاروق کی جانب سے پوسٹ کی جانے والی ویڈیو کی کیمشن میں اداکارہ نے لکھا کہ اپنے ماضی میں میوزک سے جڑے جذبات کا اظہار کیا اور بچپن کی یادیں تازہ کیں۔

اداکارہ نے لکھا کہ انہیں آج بھی بچپن کی دلکش یادوں میں سے ایک واقعہ ایسے یاد ہے جسے یہ کل کا ہی واقعہ ہو۔

دوسری جناب اداکارہ حریم فاروق نے میڈم نور جہاں کو خراج تحسین پیش کرنے کے پیچھے راز سے پردہ اٹھاتے ہوئے بتایا کہ ’دادا ابو اور بہن کے ساتھ میڈم نور جہاں کی فلم ’انار کلی‘ دیکھنا بچپن کی یادوں میں سے ایک بہترین یاد ہے۔‘

اداکارہ کا کہنا تھا میں بچپن میں میڈم نور جہاں کا مشہور گانا ’صدا ہوں اپنے پیار کی‘ اکثر گنگناتی رہتی تھی، ان کا کہنا تھا کہ مجھے یاد ہے کہ اس گانے کے خوبصورت اور بے مثال اظہار نے دل موہ لیا تھا۔

یاد رہے کہ حریم فاروق نے اپنی پوسٹ کی اختتام مین کہا کہ اس ویڈیو کا کسی سے بھی موازنہ نہیں ہے۔

اداکارہ نے مزید کہا کہ میں میڈم نور جہاں کی عظمت کو حاصل کرنے کا صرف خواب ہی دیکھ سکتی ہوں۔

واضح رہے کہ حریم فاروق نے کہا کہ میرے دل میں میڈم نور جہاں کے لیے بے انتہا محبت اور احترام ہے، میں اب تک میڈم نور جہاں کے فیشن سمیت خصوصیات کو اپناتی ہوں۔