ترجمان پیپلز پارٹی ڈاکٹر نفیسہ شاہ نے کہا ہے کہ سابق صدر آصف زرداری کے خلاف مہم چلانے والے کوڑا دان کی نظر ہوئے۔

تفصیلات کے مطابق ترجمان پیپلز پارٹی ڈاکٹر نفیسہ شاہ نے شہزاد اکبر کی پریس کانفرنس پر رد عمل دیتے ہوئے کہا کہ شہزاد اکبر جیسے درباری طوطے برسات کے مینڈک ہوتے ہیں

 اپنے بیان میں ڈاکٹر نفیسہ شاہ نے کہا کہ آصف علی زرداری انصاف کے حصول کی جنگ ہمیشہ جیتتے رہے ہیں جبکہ آصف علی زرداری جمہوریت دشمنوں کے دل میں تیر کی طرح چبھ رہے ہیں۔

ترجمان پیپلز پارٹی ڈاکٹر نفیسہ شاہ نے مزید کہا کہ سابق صدر آصف زرداری کے خلاف کردار کشی کی مہم چلانے والے تاریخ کے کوڑا دان کی نظر ہوئے جبکہ جس احتساب کی نگرانی شہزاد اکبر جسے بہروپیے کرینگے وہ ساکھ اور شفافیت سے محروم ہے۔