عالم دین علامہ ضمیر اختر نقوی کی نماز جنازہ ادا کردی گئی ہے۔

تفصیلات کے مطابق عالم دین علامہ ضمیر اختر نقوی کی نماز جنازہ کراچی کے امام بارگاہ شہدائے کربلا میں ادا کی گئی جبکہ نمازِ جنازہ کی امامت مولانا سید خورشید عابد نقوی نے کی۔

ذرائع کا کہنا ہے کہ سیاسی،سماجی،مذہبی،شخصیات علامہ ضمیر نقوی کے نمازجنازہ میں شریک ہوئے جبکہ نماز جنازہ میں بڑی تعداد میں لوگوں نے بھی شرکت کی۔

عالم دین علامہ ضمیر اختر نقوی کی تدفین وادی حسین قبرستان میں سپرد خاک کیا جائے گا۔

مزید پڑھیں

علامہ سید ضمیر اختر نقوی دل کا دورہ پڑنے سے انتقال کر گئے

معروف اسکالر علامہ ضمیر اختر نقوی دل کا دورہ پڑنے سے کراچی...

یاد رہےمعروف اسکالر علامہ ضمیر اختر نقوی دل کا دورہ پڑنے سے کراچی میں انتقال کرگئے۔

علامہ ضمیر اختر نقوی 40 سے زائد تصانیف کے مالک تھے، جبکہ مرثیہ نگاری ، شاعری ، اردو ادب سمیت مختلف موضوعات ان کا خاصہ رہے۔

واضح رہےکہ علامہ ضمیر اختر نقوی 1944 میں بھارت کے شہر لکھنو میں پیدا ہوئے اور 1967ء میں نقل مقام کر کے پاکستان کے شہر کراچی شہر میں سکونت اختیار کی۔