ڈیفنس میں گولی مار کر خود کشی کرنے والی ڈاکٹر ماہا علی کو منشیات سپلائی کرنے والا گروہ کو گرفتار کر لیا گیا ہے۔

تفصیلات کے مطابق کو کراچی کے علاقے ڈیفنس میں گولی مار کر خود کشی کرنے والی ڈاکٹر ماہا علی کو منشیات سپلائی کرنے والے چار ملزمان کو انویسٹی گیشن پولیس ساؤتھ نے گرفتار کر لیا ہے۔

ایس ایس پی انویسٹی گیشن ساوتھ بشیر بروہی نے اپنے بیان میں کہا کہ کیس کی تفتیش کے دوران ڈاکٹر ماہا علی سے رابطہ رکھنے والے افراد کی چھان بین شروع کی تو واقعہ سے چند گھنٹے قبل اسے کوکین سپلائی کرنے والے ملزم سعد کو گرفتار کیا گیا اسکے بعد سعد اللہ کے دیگر ملزمان کو بھی گرفتار کیا گیا۔

بشیر بروہی نے یہ بھی کہا کہ گرفتار 4 ملزمان میں سعد اللہ، محمد اویس، سید جماعت عرف ناصر اور محمد بلال کے قبضے سے منشیات بھی برآمد ہوئی جس میں میں 42 ڈبے کوکین، آٸیس، چرس اور موٹر سائیکل شامل ہیں۔

ایس ایس پی انویسٹی گیشن ساوتھ بشیر بروہی نے مزید کہا کہ گرفتار ملزمان کراچی میں منشیات کی آن لائن سپلائی میں ملوث ہیں جبکہ آرڈر سوشل میڈیا ویب سائٹ پر دیا جاتا ہے جس کے بعد شہر کے پوش علاقے کے کسی بھی مقام پر آدھے گھنٹے کے اندر مطلوبہ چیز فراہم کردی جاتی ہے اور ڈیلیوری دینے والا شخص رقم وصول کرتا ہے۔

گرفتار ملزم سعداللہ نے دوران تفتیش انکشاف کیا کہ کوکین کی ایک گرام ڈیلیوری پر 13 سے 15 ہزار روپے وصول کیے جاتے تھے، آرڈر کرنے والا شخص ڈلیوری کرنے والے کو بھاری ٹپ دیتا ہے۔

واضح رہے کہ پولیس کی جانب سے واقعہ خودکشی قرار دیا تھا، پولیس ذرائع کے مطابق ڈاکٹر ماہا علی نے اپنے دوست جنید کے تشدد سے تنگ آ کر خود کو مارا ہے۔