سول ایوی ایشن اتھارٹی میں بڑے پیمانے پر ملازمین کو اگلے گریڈ میں ترقیاں دے دی گئی ہے۔

تفصیلات کے مطابق سول ایوی ایشن اتھارٹی ملازمین کا احتجاج رنگ لے آیا، سی اے اے اسٹاف گروپ کے 450 ملازمین کی گریڈ 5 سے 6 میں ترقی دے دی گئی ہے۔

سی اے اے کے ڈاریکٹر ایچ آر ملک مظہر نے نے پہلے مرحلے میں ملازمین کو ترقی دینے کا مطالبہ فوری تسلیم کرنے کے بعد ترقیوں کا نوٹیفکیشن جاری کردیا۔

سی اے اے نوٹیفکیشن کے مطابق سب سے زیارہ ویجیلنس شعبے کے 151 ملازمین کو اگلے گریڈ میں ترقی دی گئی جبکہ فائرشعبہ کے 71, ایرٹریفک کنٹرول کے 21ملازمین کو بھی اسٹاف گروپ 6 میں ترقی دی گئی ہے۔

سی اے اے انتظامیہ کی جانب سے جاری کردہ نوٹیفکیشن میں مزید کہا گیا ہے کہ ایس کیو ایم ایس شعبہ19,آڈٹ کے 11 اور کمیونیکیشن شعبے کے 2 ملازمیں کو بھی اگلے گریڈ میں ترقی دی گئی ہے۔

یاد رہے اس سے قبل جوائنٹ ایکشن کمیٹی نے احتجاج میں ملازمین کو ترقیاں دینے کا معاملہ بھی مطالبہ کیا تھا۔