پاکستان کے نامور اداکار یاسر حسین نے غیر ملکی اداکاروں کو ’عالمی کچرا‘ کہنے کے بیان پر وضاحت دے دی۔

 اداکار یاسر حسین نے وضاحت دیتے ہوئے کہا کہ لوگ ان کی جاری کردہ پوسٹ کو غلط رنگ دیتے ہیں۔

یاسر حسین نے کہا کہ وہ تمام اداکاروں کی عزت کرتے ہیں چاہے وہ ملکی ہوں یا غیر ملکی۔

انہوں نے کہا کہ میری ہر بات کو ترکش ڈراموں کی کاسٹ سے مت جوڑیں۔

اداکا میاسر حسین نے کہا کہ  میں نے کبھی بھی کسی کی تذلیل کرنے کی کوشش نہیں کی ہے۔

 اداکار نے مزید کہا کہ اگر کوئی فرد ان کی باتوں کو غلط رنگ دیتا ہے تو وہ اس کی اپنی سوچ ہو سکتی ہے جس کے لیے وہ سوائے دعا کے کچھ نہیں کرسکتے۔

دوسری جانب اداکارہ انوشے اشرف کے بےجا تنقید اور تند و تیز ردعمل پر یاسر نے انوشے پر طنز کرتے ہوئے کہا کہ ’شہرت کے لیے لوگ کیا کیا کچھ کر لیتے ہیں، انوشے اگر آپ کو میری پوسٹ سے اتنا مسئلہ تھا تو آپ مجھے واٹس ایپ کردیتیں، بلاوجہ بات کا بتنگڑ بنادیا۔‘

خیال رہے کہ یاسر حسین نے انسٹاگرام پر اپنی اسٹوری میں تُرک سیریز ’ارطغرل غازی‘ کے کرداروں سے مماثل نوجوانوں کی تصویر شیئر کرتے ہوئے لکھا کہ ان کو کوئی نہیں پوچھے گا کیونکہ گھر کی مرغی دال برابر اور باہر کا کچرا بھی مال برابر۔‘

واضح رہے کہ اداکار یاسر حسین نے سوشل میڈیا پر تنازع کی صورت اختیار کرلی ہے۔