آج دوپہر کے قوت کراچی کے علاقے کورنگی میں عمارت گرنے کے معاملے پر وزیراعلیٰ سندھ کی جانب سے نوٹس لے لیا گیا ہے۔

تفصیلات کے مطابق کورنگی کے علاقے اللہ والا ٹاؤن میں عمارت گرنے کے معاملے پر وزیراعلیٰ سندھ سید مراد علی شاہ کی جانب سے واقعہ کا نوٹس لے لیا گیا ہے۔

جانی نقصان پر وزیراعلیٰ سندھ کا گہرے دکھ کا اظہار کرتے ہوئے مراد علی شاہ نے کہا ہے کہ ایسی تمام عمارتیں یہ بوسیدہ ہیں یا کمزور ہیں انکی شناخت کی جائے۔

مزید پڑھیں

کورنگی میں عمارت منہدم، سندھ رینجرز مدد کیلئے پہنچ گئی

کراچی کے علاقے کورنگی کراسنگ کے قریب عمارت منہدم ہونے پر سندھ...

وزیراعلیٰ سندھ  سید مراد علی شاہ نے عمارت گرنے کا نوٹس لیتے ہوئے سیکریٹری بلدیات کو انکوائری کرنے کی ہدایت دے دی ہے۔

ہدایات جاری کرتے ہوئے وزیراعلیٰ سندھ کی جانب سے سیکریٹری بلدیات سے سوالات بھی کرلئے گئے ہیں کہ بلڈنگ کا  نقشہ پاس ہوا تھا یا نہیں؟

مزید پڑھیں

کورنگی میں 5 منزلہ عمارت گرگئی، ہلاکتوں کا خدشہ

کراچی کے علاقے  کورنگی کراسنگ کے قریب عمارت منہدم ہوگئی۔ تفصیلات کے...

یاد رہے کہ کراچی کے علاقے  کورنگی کراسنگ کے قریب واقع اللہ والا ٹاؤن میں 5 منزلہ رہائشی عمارت منہدم ہوئی تھی جس میں خواتین اور بچوں سمیت 25 سے زائد افراد کے ملبے تلے  دبے ہونے کا خدشہ ہے۔

گرنے والی عمارت میں  کباڑ کی دکان تھی جس میں  چھ سے آٹھ ملازمین موجود تھے۔رہائشی عمارت میں دس  سے زائد خاندان رہائش پذیر تھے۔

عمارت ڈھائی سال پہلے تعمیر ہوئی تھی۔یہ عمارت 80 گز پر تعمیر ہوئی ہے۔ قانون طور پر 80 گز پر صرف ون پلس ٹو بنانے کی اجازت ہے۔