کیا آپ جانتے ہیں جیمز بانڈ حقیقت میں ایک برطانوی جاسوس تھا اور فلمی نہیں اصلی جیمز بانڈ پولینڈ میں ملازمت کرتا تھا؟

غیر ملکی خبر رساں ادارے کے مطابق پولینڈ کے انسی ٹیوٹ آف نیشنل ریمیمبرنس نے تاریخی دستاویزات پیش کی ہیں جن کے مطابق برطانوی جاسوس جیمزبانڈ نے پولینڈ میں برطانوی سفارت خانے میں ملٹری اتاشی کے طور پرملازمت کی اور1964 سے 1965 تک تقریبا ایک سال پولینڈ میں وقت گزارا۔

پولش سیکرٹ سروس کی دستاویزات میں برطانوی جاسوس کا نام جیمز ایلبرٹ بانڈ ظاہر کیا گیا ہے جو کہ 1928 میں بائڈفورڈ میں پیدا ہوا۔

دستاویزات کے مطابق جیمز بانڈ کا سفارتخانے کے ایک ملازم کی حیثیت میں اصل مشن فوجی تنصیبات تک رسائی تھا اور وہ جلد ہی پولینڈ کی سیکرٹ سروس کی نظر میں بھی آ گئے تھے۔

یاد رہے کہ جیمزبانڈ کا فلمی کردار 1962 ہی میں سلور اسکرین پر چھا گیا تھا۔

واضح رہے کہ اداکار سین کونرے نے 1962 میں سیریز کی پہلی فلم میں جیمز بانڈ کا کردار ادا کیا تھا ۔