سعودی عرب کی میزبانی میں جی 20 کا اجلاس کا 10 ستمبر کو منعقد کیا جائیگا جس کی صدارت سعودی عرب کی جانب سے کی جائیگی۔

عرب میڈیا کے مطابق سعودی عرب کی میزبانی میں جی 20 کے وزرائے محنت کا ورچوئل اجلاس کا 10 ستمبر کومنعقد کیا جائیگا جس میں لیبر پالیسیوں اور خواتین کو بااختیار بنانے پر تبادلہ خیال کیا جائیگا۔

اجلاس میں لیبر پالیسیوں، خواتین اور نوجوانوں کو بااختیار بنانے سے متعلق امور اور سماجی تحفظ کے نظاموں کو بہتر بنانے پر تبادلہ خیال کیا جائے گا۔

اجلاس کے دوران وزرائے محنت جی 20 کے لیڈروں کے مارچ میں منعقدہ غیر معمولی اجلاس اور اپریل میں ایمپلائمنٹ اور لیبر وزراء کے اجلاس میں طے شدہ فیصلوں پر پیش رفت کا جائزہ لیا جائیگا۔

اس اجلاس میں کووِڈ-19 کی وبا کے تناظر میں مزدوروں کی کام پر واپسی میں مناسب معاونت اور تمام ورکروں کی کارکردگی کو یقینی بنانے کے سلسلے میں امور پر غور کیا جائے گا۔

یاد رہے کہ جمعرات کو جی 20 کے رکن ممالک کے وزرائے خارجہ نے اپنے اجلاس میں کورونا وائرس کی وبا کے تناظر میں اقتصادی بحالی کے لیے بین الاقوامی تعاون بڑھانے اور سرحدوں کو دوبارہ کھولنے کے بارے میں تبادلہ خیال کیا گیا تھا۔