صوبائی وزیر صنعت و تجارت میاں اسلم اقبال نے کہا کہ ابھی حالات مشکل ضرور ہیں لیکن جلد مشکلات سے نکلیں گے۔

تفصیلات کے مطابق صوبائی وزیر صنعت و تجارت میاں اسلم اقبال نے صوبائی حلقہ 151 نے ترقیاتی منصوبوں کا افتتاح کرتے ہوئے سبزہ زار میں لیڈیز پارک بنانے کا اعلان کیا۔

میاں اسلم اقبال نے کہا کہ وزیراعظم عمران خان کی قیادت میں پارٹی منشور کے مطابق عوامی خدمت کے ایجنڈے کو آگے بڑھا رہے ہیں جبکہ عوام کی بلاامتیاز خدمت کر رہے ہیں۔

صوبائی وزیر صنعت و تجارت نے یہ بھی کہا کہ پارٹی وابستگی سے بالاتر ہو کر بلا امتیاز عوام کی خدمت کر رہے ہیں لیکن سابق کرپٹ حکمرانوں نے کورونا وبا کے دوران بھی انتشار پھیلانے کی کوشش کی۔

میاں اسلم اقبال کا کہنا تھا کہ عمران خان ایک دور اندیش اور درد دل رکھنے والے لیڈر ہیں جنہیں غریب اور عام آدمی کا احساس ہے۔

صوبائی وزیر صنعت و تجارت میاں اسلم اقبال کا مزید کہنا تھا کہ پنجاب میں صنعت کاری کاعمل تیز ہوا ہے، جوچیزیں باہر سے منگواتے تھے وہ اب یہاں تیار ہونگی جبکہ ابھی حالات مشکل ضرور ہیں لیکن جلد مشکلات سے نکلیں گے۔