پاکستان کی ماڈل اور گلوکارہ ایان علی نے اپنی 50 فیصد آمدن فلاحی کاموں میں وقف کرنے کا اعلان کر دیا ہے۔

ایان علی نے فوٹو اینڈ ویڈیو شیئرنگ ایپ انسٹاگرام پر اپنی ایک بولڈ تصویر پوسٹ کی جس کے کیپشن میں اُنہوں نے ایک طویل پیغام لکھا ہے۔

See more

ایان علی کی جانب سے پوسٹ کی جانے والی تصویر کی کیپشن میں گلوکارہ نے اپنے چاہنے والوں سے مخاطب ہوتے ہوئے لکھا کہ دوستوں میں ہر اُس بات پر یقین رکھتی ہوں جو ہماری زندگی میں ہوتی ہے اور ہمیں بہتری کی طرف لے جاتی ہے اور یہ میرے لیے اعزاز کی بات ہے کہ میں ہمیشہ آپ سے اپنی زندگی اور کام سے متعلق کچھ اہم معلومات شیئر کرتی رہی ہوں۔

دوسری جناب ماڈل نے اپنے فلاحی ادارے کے بارے میں اپنے چاہنے والوں کو بتایا۔

انہوں نے لکھا کہ میں نے فلاحی کاموں کے لیے این جی او بنائی ہوئی ہے جس کا ’بی مائے فرینڈ آرگنائزیشن ‘ کے نام سے برطانیہ میں اندراج ہے۔

ایان علی ن ے بتایا کہ بی مائے فرینڈ آرگنائزیشن میں خواتین اور بچوں کو محفوظ اور بہتر زندگی فراہم کرنے کے لیے کام کیا جارہا ہے۔

علاوہ ازیں اس آرگنائزیشن میں اُنہیں تمام تر بنیادی ضروریات بھی مہیا کی جارہی ہیں۔

واضح رہے ایان علی نے اعلان کیا کہ میں نے ہمیشہ سوچا کہ دنیا میں بہتری کے لیے کیا کرسکتی ہوں اور اب میں نےفیصلہ کیا ہے کہ میں اپنی آمدن کا 50 فیصد حصہ فلاحی کاموں کے لیے وقف کروں گی۔