پاکستان فٹبال فیڈریشن (پی ایف ایف) نے گلگت بلتستان میں ویمن فٹبالرز کوچنگ کلینک کا انعقاد کیا۔

تفصیلات کے مطابق مختلف مقامات پر دو روز تک جاری رہنے والے ان کلینکس میں ڈیڑھ سو سے زائد فٹبالرز نے شرکت کی۔

یاد رہے کہ پی ایف ایف کے مطابق چار اور پانچ ستمبر کو گلگت کے مختلف مقامات پر کلینکس کی نگرانی پی ایف ایف کے ٹیکنیکل ڈائریکٹر ڈینیل لیمونیس نے کی۔

ان کلینکس میں 150 سے زیادہ نوجوان خواتین فٹبالرز نے حصہ لیا۔

دوسری جانب فٹبالرز کا کہنا تھا کہ پی ایف ایف کا یہ قدم ان کے لیے حوصلہ افزا ہے اور امید ظاہر کی کہ مستقبل میں بھی ایسے ایونٹس منعقد کیے جائیں گے۔

اس حوالے سے لیمونیس کا کہنا تھا کہ ان کلینکس کے ذریعے گلگت بلتستان کی خواتین فٹبالرز کی گراس روٹس ڈیولپمنٹ کی جانب کام کا آغاز ہوا ہے۔

واضح رہے کہ کلینکس کے دوران لیمونیس نے پلیئرز کو بنیادی فٹبال ٹریننگ دی۔