پاکستان کے عالمی شہرت یافتہ گلوکار استاد راحت فتح علی خان نے اپنے کنسرٹ کا آغاز اسلام آباد سے کر دیا ہے۔

گلوکار راحت فتح علی خان نے بتایا کہ 6 ماہ بعد اسلام آباد سے کنسرٹس کا آغاز کیا ہے۔

یاد رہے کہ عالمی وبا کی وجہ سے بہت سے ممالک میں لاک ڈاون نافز تھا اور اس وجہ سے کانسرٹ بھی نہیں ہو رہے تھے ، اس حوالے سے راحت فتح علی نے کہا کہ اس دوران اپنے مداحوں کو سب سے زیادہ یاد کیا۔

دوسری جانب اُن کا کہنا تھا کہ میرا نیا گانا غم عاشقی کا غیر معمولی رسپانس آیا، کورونا کے ساتھ گزارا وقت مشکل ترین وقت تھا، اللّٰہ تعالیٰ ساری دنیا کے انسانوں پر اپنا کرم کرے اور سب خوشیوں بھری زندگی بسر کریں۔

گلوکار نے کہا ہے کہ انٹرنیشل میوزک پروڈیوسر سلمان احمد نے غم عاشقی کو شاندار انداز میں پروڈیوس کیا۔

واضح رہے کہ اس رومانس سے بھرپور گیت نے سوشل میڈیا پر ایک ارب ویور کا ریکارڈ قائم کیا ہے ۔