امریکا میں ایک شخص نے پراعتماد طریقے سے 101 مرتبہ گیندوں کو کیچ کیا اور اپنا نام سوگلنگ میں گینیز بک آف ورلڈ ریکارڈ میں درج کروایا۔

غیر ملکی خبر رساں ادارے کے مطابق امریکا میں ایک شخص نے سوئمنگ کے ساتھ جگلنگ میں 101 کیچز کرکے گینیز بک آف ورلڈ ریکارڈ میں نام درج کروالیا۔

اس حوالے سے باب ایونس نے بتایا کہ گینیز نے اپنے رولز کو سخت کیا جس کے مطابق اس بات کو بھی یقینی بنانا ہے کہ گیند پانی کی سطح کو نہ چھوئے۔

انہوں نے مزید بتایا کہ وہ تیراکی کرتے ہوئے 4 گیندوں کی مدد سے  224 کیچز لے چکے ہیں۔

تاہم اس دوران گینیز کے پاس 4 گیندوں سے سوگلنگ کی کیٹیگری موجود نہیں تھی۔

خیال رہے کہ ان کا یہ بھی کہنا تھا کہ گینیز بک آف ورلڈ ریکارڈ میں اپنا نام درج کروانے کے لیے انہوں نے کئی ماہ اس کی پریکٹس کی۔

واضح رہے کہ امریکی ریاست اوریگن کے ایک اسکول ٹیچر باب ایونس نے یہ کارنامہ سن سیٹ کے ایک پول میں انجام دیا۔