سیکیورٹی اینڈ ایکسچینج کمیشن آف پاکستان(ایس ای سی پی)  کے جوائنٹ ڈائریکٹر ساجد گوندل کو اغواکاروں نے چھوڑدیا۔

تفصیلات کے مطابق سیکیورٹیز اینڈ ایکسچینج کمیشن آف پاکستان (ایس ای سی پی) کے جوائنٹ ڈائریکٹر ساجد گوندل نے سماجی رابطے کی ویب سائٹ ٹویٹر پر اپنے ایک پیغام میں کہا کہ میں خیریت سے واپس آگیا ہوں۔

I am back and safe, and I am thankful to all friends who were worried for me.

— Sajid Gondal (@sgondal) September 8, 2020

اپنے پیغام میں ایس ای سی پی کے جوائنٹ ڈائریکٹر ساجد گوندل نے مزید کہا کہ تمام دوستوں کا شکرگزار ہوں جو میرے لیے پریشان تھے۔

یاد رہے کہ 3 ستمبر کو سیکیورٹیز اینڈ ایکسچینج کمیشن آف پاکستان کے جوائنٹ ڈائریکٹر ساجد گوندل وفاقی دارالحکومت اسلام آباد سے لاپتا ہوگئے تھے۔

مزید پڑھیں

ایس ای سی پی کے جوائنٹ ڈائریکٹر ساجد گوندل مبینہ طور پر لاپتہ ہو گئے

سیکیورٹی اینڈ ایکسچینج کمیشن آف پاکستان(ایس ای سی پی)  کے جوائنٹ ڈائریکٹر...

ذرائع کا کہنا تھا کہ ایس ای سی پی   کے جوائنٹ ڈائریکٹر ساجد گوندل گذشتہ شب گھر سے اپنے فارم ہاؤس پر گئے تھے۔

ساجد گوندل کی گاڑی نیشنل ایگریکلچر ریسرچ سینٹر (این اے آر سی ) کے سامنے سڑک پر کھڑی ملی تھی جبکہ اہلخانہ کا کہنا تھا کہ انہوں نے 9 بجے تک واپس آنے کا کہا تھا۔