وزیراعظم عمران خان سے مشیر خزانہ عبدالحفیظ شیخ کی ملاقات ہوئی ہے۔

تفصیلات کے مطابق وزیراعظم عمران خان سے مشیر خزانہ عبدالحفیظ شیخ کی ہونے والی ملاقات میں ملکی معاشی صورتحال کا جائزہ لیا گیا۔

ملاقات میں مشیر خزانہ عبدالحفیظ شیخ نے وزیراعظم کو معاشی اعشاریوں پر پر بھی بریفنگ دی۔

دوسری جانب مشیرخزانہ عبدالحفیظ شیخ کی زیر صدارت اقتصادی رابطہ کمیٹی کا اجلاس ہوا جس میں اسٹیل ملزکے ملازمین کی تنخواہوں کے لیے 3.8 ارب روپے کی منظوری دے دی گئی۔

ذرائع کا کہنا ہے کہ اجلاس میں  اسٹیل ملز ملازمین کی تنخواہوں  کے لیے 3.8 ارب روپے کی منظوری دی گئی جس سے ملازمین کو رواں مالی سال  کے لیے تنخواہوں کی ادائیگی ہو گی ۔

ذرائع کا مزید کہنا ہے کہ ای سی سی اجلاس میں اسٹیل ملز کی ادائیگیوں پر خصوصی بات چیت کی گئی۔

مشیر خزانہ نے ہدایت کی ریٹائرمنٹ پلان کے تحت ملازمین کے بقایاجات کی تفصیلات پیش کی جائیں۔اسٹیل ملز کی ادائیگیوں کے متعلق رپورٹ آئندہ اجلاس میں پیش کی جائے گی۔