چئیرمین نیب  جسٹس جاوید ر اقبال کی زیر صدارت نیب ہیڈکوارٹرز میں اجلاس ہوا جس میں  نیب دفاتر میں وزیٹرز کی آمد اور ملاقاتوں پر پابندی برقرار رکھنے کا فیصلہ کیا گیا۔

اجلاس میں نیب دفاتر میں کام کرنے والے تمام افسران کووڈ 19کی ممکنہ لہر کے تناظر میں حفاظتی اقدامات پر سختی سے عمل درآمد کرنے کا فیصلہ کیاگیا ۔

فیصلے کے تحت نیب دفاتر میں وزیٹرز کی آمد اور ملاقاتوں پر پابندی برقرار رکھی جائے گی تاہم مختلف مقدمات میں پیش ہونے والے گواہان اور ملزمان کی نیب میں پیشی کے موقع پر کورونا سے بچاو¿ کے لئے تمام ممکنہ اقدامات اٹھائے جائیں گے۔

فیصلہ کیا گیا کہ تمام افسران واہلکاران کی نیب دفاتر میں انٹری پر تھرمل گن کے ذریعے ٹمپریچر چیک کیا جائے گا جبکہ بخار اور کھانسی کی صورت میں ان کو متعلقہ ڈاکٹر صاحبان سے رجوع کرنے میں ہر ممکن سہولیات دی جائیں گی۔

اجلاس میں کہا گیا کہ لفٹ میں کوئی بھی ملازم بغیر ماسک کے اندر داخل نہیں ہو گا،ای فائلنگ کو ترجیح دی جائے گی اور اگر ہارڈفائل بھیجنا ناگزیر ہو تو فائل کو سینی ٹائز کر کے بھیجا جائے۔

اجلاس میں یہ بھی کہا گیا کہ انٹر آفس میٹنگز ویڈیو لنک،اسکائپ پر ہی کرنا بہتر ہو گا اور اگر ذاتی میٹنگز ناگزیر ہو توشرکاء کے درمیان ایک میٹر کا فاصلہ لازمی ہونا چاہیے۔

اجلاس میں مزید کہا گیا کہ اسٹاف اس بات کو یقینی بنائے کہ دفاتر کے کمرے میں موجودٹیبل اور کرسی وغیرہ کو بھی سینیٹائز کیا گیا ہو جبکہ ہیڈ آفس آور رجنل بیو روزان احکامات پر سختی سے عمل کروائیں۔

 اجلاس میں نیب انوسٹی گیشن آفیسر ز اور پراسیکیوٹر زکو کرونا ہدایات پر عمل کرتے ہوئے متعلقہ مجاز معزز عدالتوں میں زیر سماعت مقدمات کومو ثر پیروی یقینی بنانے کا حکم بھی دیا گیا۔