پاکستان کی نامور اداکارہ سجل علی کے پاکستان کے لوگ تو دیوانے تھے ہی لیکن اب  ان کی خوبصورتی کے دیوانے بھارت سے تعلق رکھنے والے بھی ہو گئے۔

تفصیلات کے مطابق بالی ووڈ کی ورسٹائل اداکارہ سری دیوی کی صاحبزادی جھانوی کپور بھی پاکستان فلم و ٹی انڈسٹری کی پُرکشش اور باصلاحیت اداکارہ سجل علی کی خوبصورتی سے مُتاثر ہوگئیں۔

اداکارہ سجل علی کی بات کریں تو یہ پاکستان کی وہ اداکارہ ہیں جن کی خوبصورتی اور حیرت انگیز اداکاری کے چرچے ناصرف پاکستان میں ہیں بلکہ سرحد پار بھی ہیں۔

سجل علی نے سماجی رابطے کی ویب سائٹ انسٹاگرام پر ایک پوسٹ کی جس سے اس بات کا اندازہ لگایا جا سکتا ہے کہ بالی ووڈ اداکارہ سجل کی خوبصورتی کی تعریف کرتی نظر آرہی ہیں۔

See more

سجل علی نے ماضی کے کچھ قیمتی لمحات کو یاد کرتے ہوئے سماجی رابطے کی ویب سائٹ انسٹاگرام پر اپنی کچھ تصاویر پوسٹ کیں جن میں وہ سیاہ رنگ کی ٹی شرٹ میں ملبوس ہیں۔

سجل کی جانب سے پوسٹ کی جانے والی تصویر کی کیپشن میں اداکارہ نے کیپشن میں لکھا کہ ماضی کی خوبصورت اور قیمتی یادیں۔

اداکارہ نے اپنے اس کیپشن میں دل والے ایموجی کا بھی اضافہ کیا۔

یاد رہے سجل علی کی تصویر پر سری دیوی کی بیٹی اور نامور بالی ووڈ اداکارہ جھانوی کپور نے تبصرہ کرتا ہوئے تین دل والے ایموجی بنائے۔

جھانوی کپور کا کمنٹ دیکھنے کے بعد یہ واضح ہو رہا ہے کہ وہ بھی سجل کی خوبصورتی سے مُتاثر ہیں۔

دوسری جانب دو روز قبل جھانوی کپور نے اپنے انسٹاگرام اکاؤنٹ پر اپنے نئے برائیڈل فوٹو شوٹ کی تصاویر پوسٹ کیں۔

See more

جھانوی کپور کی تصاویر پر کمنٹ کرتے ہوئے سجل علی نے لکھا کہ ’خوبصورت‘ اور اس کے ساتھ ہی اُنہوں نے بوسہ دینے والے ایموجی کا اضافہ بھی کیا۔

واضح رہے کہ سجل علی نے بالی ووڈ فلم ’موم‘ میں ورسٹائل اداکارہ سری دیوی کے ساتھ کام کیاتھا۔