چیئرمین چائنا پاکستان اقتصادی راہداری (سی پیک) اتھارٹی اور وزیراعظم کے معاون خصوصی برائے اطلاعات لیفٹیننٹ جنرل ریٹائرڈ عاصم سلیم باجوہ نے کہا ہے کہ کراچی، کوئٹہ، چمن شاہراہ کو ایکسپریس وے میں تبدیل کیا جائے گا۔

تفصیلات کے مطابق سماجی رابطے کی ویب سائٹ ٹویٹر چیئرمین چائنا پاکستان اقتصادی راہداری (سی پیک) اتھارٹی اور وزیراعظم کے معاون خصوصی برائے اطلاعات لیفٹیننٹ جنرل ریٹائرڈ عاصم سلیم باجوہ نے اپنے ایک پیغام میں کہا کہ ماضی میں نظر اندازعلاقوں کی ترقی کے منصوبے کی وزیراعظم نے اصولی منظوری دے دی۔

Earlier neglected areas:PM approved in principle, upgrading Kci-Qta-Chaman Road to Expressway:Here is Ad for hiring consultant for feasibility study (BOT).Balochistan’s (790km) most frequented road,highest accidents due to condition, peoples’ pressing need #PakistanMovingForward pic.twitter.com/GAPhiHuCnW

— Asim Saleem Bajwa (@AsimSBajwa) September 23, 2020

اپنے پیغام میں چیئرمین سی پیک اتھارٹی عاصم سلیم باجوہ نے یہ بھی کہا کہبی او ٹی کی بنیاد پر منصوبے کی فیزیبلٹی اسٹڈی تیار کرنے کے لیئے کنسلٹنٹ کی تعیناتی کا اشتہار جاری کیا گیا ہے جبکہ بلوچستان کی 790 کلومیٹر سب سے مصروف سڑک کی خراب حالت کی وجہ سے حادثات کی شرح بہت زیادہ ہے۔

چیئرمین چائنا پاکستان اقتصادی راہداری (سی پیک) اتھارٹی نے مزید کہا کہ بلوچستان کے عوام کراچی، کوئٹہ، چمن شاہراہ کو بہتر بنانے کا مطالبہ کرتے آئے ہیں جبکہ کراچی، کوئٹہ، چمن شاہراہ کو ایکسپریس وے میں تبدیل کیا جائے گا۔

واضح رہے اس سے  قبل بھی سماجی رابطے کی ویب سائٹ ٹویٹر پراپنی ایک  ٹویٹ میں چیئرمین سی پیک اتھارٹی جنرل عاصم باجوہ نے کہا تھا کہ ٹربیونل نے پاکستان کو 6 ارب ڈالز کا جرمانہ ادا کرنے سے روک دیا ہے۔

انہوں نے کہا تھا کہ وزیراعظم عمران خان نے بلوچستان حکومت کو کان کنی کے فروغ کے لیے ہدایات بھی دی ہیں، کان کنی کی ترقی اور منظم انداز میں امور کی انجام دہی کے لیے اقدامات کیے جارہے ہیں۔