گورنر سندھ عمران اسماعیل نے کہا ہے کہ سی پیک کے منصوبوں کی تکمیل سے پاکستان میں اقتصادی انقلاب برپا ہوگا۔

تفصیلات کے مطابق گورنر سندھ عمران اسماعیل سے وزیر اعظم کے معاون خصوصی اور سی پیک اتھارٹی کے چیئرمین لیفٹیننٹ جنرل(ریٹائرڈ) عاصم سلیم باجوہ نے گورنر ہاؤس میں ملاقات کی ۔

ملاقات میں سی پیک کے تحت صوبہ سندھ میں جاری منصوبوں،ان کی جلد از جلد تکمیل پر تبادلہ خیال کیا گیا جبکہ کراچی سرکلر ریلوے،تھر کے کوئلہ سے بجلی بنانے کے لئے چینی سرمایہ کاری پر بھی بات چیت کی گئی اور باہمی دلچسپی کے دیگر امور بھی زیر غور آئے۔

اس موقع پر گورنر سندھ عمران اسماعیل نے کہا کہ سی پیک پاکستان کے لئے گیم چینجر کی حیثیت رکھتا ہے۔

گورنر سندھ عمران اسماعیل نے مزید کہا کہ اقتصادی راہداری منصوبہ عظیم پاک چین دوستی کا ایک اور ثبوت ہے جبکہ سی پیک کے منصوبوں کی تکمیل سے پاکستان میں اقتصادی انقلاب برپا ہوگا۔