پاکستان کی نامور اداکارہ اور ماڈل آمنہ الیاس سیاہ رنگت کے حوالے سے ایک اہم پیغام جاری کر دیا۔

آمنہ الیاس نے سماجی رابطے کی ویب سائٹ انسٹاگرام پر ایک تصویر پوسٹ کی ہے جس میں ماڈل اپنی گہری رنگت کے باوجود بھی دلکش اور پُرکشش نظر آرہی ہیں۔

See more

آمنہ الیاس کی جانب سے پوسٹ کی جانے والی تصویر کی کیپشن میں اداکارہ نے لکھا کہ میری گہری رنگت مجھے ناکام نہیں کرسکتی اور نہ ہی مجھے میرے کسی بھی مقصد میں گِرا سکے گی۔

آمنہ الیاس نے لکھا کہ میری جِلد چاہے جیسی بھی ہو مجھے اس سے کوئی فرق نہیں پڑتا، میں اپنے مقاصد کو حاصل کرنے کے لیے ہر ممکن کوشش کروں گی اور اُنہیں حاصل کرکے رہوں گی۔

ماڈل کی پوسٹ دیکھنے کے بعد ناصرف اُن کے مداح اُن کی ہمت بڑھا رہے ہیں بلکہ ساتھی اداکارائیں بھی کمنٹس میں ان کی خوبصورتی کی تعریف کرتے ہوئے آمنہ الیاس کی حوصلہ افزائی کر رہی ہیں۔

واضح رہے کہ گزشتہ دنوں آمنہ الیاس اور اداکار داور محمود کی شادی کی جھوٹی خبریں سامنے آئی تھیں جس کے بعد دونوں اداکاروں نے ان خبروں کی تردید کی تھی۔

See more