وزیراعلیٰ پنجاب سردار عثمان بزدار نے کہا ہے کہ اپوزیشن جماعتیں پاکستان کی ترقی روکنے کے درپے ہیں۔

تفصیلات کے مطابق وزیراعلیٰ پنجاب سردار عثمان بزدار نے اپنے ایک بیان میں کہا کہ اپوزیشن کی جانب سے بلاجواز احتجاج غیر جمہوری طرز عمل ہے۔

عثمان بزدار نے کہا کہ پاکستان کو اندرونی اور بیرونی چیلنجز درپیش ہیں جبکہ موجودہ نازک حالات میں افراتفری کی سیاست غیر دانشمندانہ اور ملکی مفادات کے منافی ہے۔

وزیراعلیٰ پنجاب سردار نے یہ بھی کہا کہ اپوزیشن جماعتیں انتشار پھیلا کر ذاتی ایجنڈے کی تکمیل چاہتی ہیں جبکہ عوام منفی سیاست کی بجائے ملک کو آگے بڑھتا ہوا دیکھنا چاہتے ہیں۔

اپنے بیان میں عثمان بزدار کا کہنا تھا کہ وزیراعظم عمران خان جرأت اور دانش سے عوام کی امنگوں کے مطابق ملکی مفاد میں فیصلے کر رہے ہیں۔

وزیراعلیٰ پنجاب سردار عثمان بزدار کا مزید کہنا تھا کہ بدقسمتی سے اپوزیشن نے ملکی مفاد کو پس پشت ڈال دیا ہے لیکن حکومت مدت پوری کرے گی۔